Komuniteti shqiptar duket se ka “pushtuar” disa nga kantonet në Zvicër.
Kështu të paktën thojnë statistikat e fundit, të publikuara në median zvicerane “Blick.ch”, transmeton Portali Mërgata.
Enti Federal i Statistikave ka radhitur dhjetë komunat apo kantonet që kanë më së shumti shtetas kosovarë, duke mos llogaritur këtu fare ata që janë me dy shtetësi, pra ende nuk dihet numri i saktë i kosovarëve nëpër këto komuna, pasi që janë llogaritur vetëm ata me shtetësi zvicerane por që me prejardhje janë nga Kosova.
1
Egerkingen (Solothurn)
Komuna e Egerkingen-it zë vendin e parë. Këtu proporcioni i kosovarëve në raport me numrin e gjithmbarshëm të banorëve është 9.3 për qind, pra 391 nga gjithsej 4221 banorët, janë kosovarë. Egerkingen-i ndodhet direkt në autostradë dhe kufizohet, ndër të tjera, me komunat Härkingen, Hägendorf dhe Neuendorf. Përveç kësaj, Egerkingen-i është shumë afër Oltenit.
2
Reinach AG
Reinach-u në kantonin Aargau zë vendin e dytë në renditje, me 9.2 për qind. Ky fshat, së bashku me Menziken-in, është qendër ekonomike në Aargaun jugor. 9.2 për qind dmth 838 persona me shtetësi kosovare jetojnë në këtë lokalitet Reinach-u ka 9108 banorë.
3
Leibstadt AG
Ky fshat është më i njohur për termocentralin bërthamor. Nga 1886 banorë (viti 2021) 157 janë nga Kosova. Kjo është 8.3 për qind.
4
Triengen LU
Çfarë kanë të përbashkët furçat e dhëmbëve, tharëset e flokëve dhe aeroplanët e vegjël? Pikërisht, të treja janë të lidhur me Triengen. Kompania zvicerane Trisa ka selinë e saj këtu. Ajo punëson mbi 1000 njerëz dhe furnizon të gjithë Zvicrën. Përveç një aeroporti për aeroplanë të vegjël, Triengen ka gjithashtu një rrjet të madh rrugor që mund të përdoret për të udhëtuar shpejt në Lucern ose Aarau. Me një popullsi prej 4687 (që nga viti 2021), 387 vijnë nga Kosova – pra 8.3 për qind.
5
Bottstein AG
Kthehemi në kantonin Aargau. Böttstein ndodhet në Aare në rrethin Zurzach. Nga 4063 banorë (nga viti 2021), 8 për qind janë me shtetësi kosovare, 325 banorë. Pikërisht përballë, në anën tjetër të lumit Aare, ndodhet Döttigen-i, i cili renditet i 12-ti me 6.7 për qind të kosovarëve.
6
Birr AG
Proporcioni këtu është 7.7 për qind. 354 nga 4573 banorë janë nga Kosova. Që nga vendosja e kompanisë energjetike ABB (Broën, Boveri & Cie.) me ndërtesa fabrikash dhe zona banimi në vitet 1950, komuna e Birrit ka përjetuar një rritje të fortë me një përqindje të lartë të udhëtarëve dhe të huajve. Përveç ABB-së, aktualisht funksionon edhe dega General Electric.
7
Spreitbach AG
Spreitbach është i njohur për të gjithë. Sipas Bfs, qyteti i Spreitbachut ka 12,162 banorë (viti 2021) dhe një përqindje e të huajve mbi 50 për qind. 921 banorë vijnë nga Kosova. Kjo është 7.6 për qind.
8
Tecknau BL
Tecknau në kantonin e Baselland është kounë fare e vogël. Ajo ka një popullsi prej 813 banorësh (që nga viti 2021) dhe 60 prej tyre janë kosovarë, që përbën 7.4 për qind të banorëve të Tecknau.
9
Dulliken SO
Komuna e dytë e Solothurnit në këtë listë është në rrethin e Oltenit. Rreth 7.3 përqind e 5,200 banorëve të Dulliken vijnë nga Kosova, ose 382 sosh.
10
Menziken AG
Këtu përbërja e banorëve nga Kosova është 7.2 për qind. Menziken-i është pikërisht pranë Reinach. 483 nga 6706 banorë janë kosovarë.
