Ish-inspektori i AKI-së: Liderët e vendit duhet ta bëjnë testin e drogës

Burim Ramadani, ish-inspektor në Agjencinë Kosovare të Inteligjenvës ka reaguar për rastin e kapjes së asamblistit të Lëvizjes Vetëvendosje, Besnik Mujeci, nën dyshimet për trafik me lëndë narkotike. 

Ramadani ka propozuar që t’iu bëhet testi i drogës vendimarrësve nëpër nivele shtetërore, duke thënë se rezultati i testit mund të shkaktonte edhe çudi. 

Ramadani ka thënë se nuk po paragjykon, por thotë se po i sfidon që fillimisht ta bëjë Presidenca, Qeveria dhe Kuvendi. 

“Testi imunologjik prej më të zakonshmëve zbulon nëse personi (në rastin tonë: vendimmarrësi apo vendimmarrësja) ka përdorur kanabis, opiate, kokainë, amfetaminë dhe methamphetamine (MDMA)”, ka shkruar Ramadani. 

Reagimi i plotë: 

Narko-Test për vendimmarrësit 

Një test për përdorim droge nëpër shumë nivele shtetërore do të mund të çudiste me rezultate. 

Kjo nuk është shaka. 

Le ta bëjnë Narko-Testin të gjitha nivelet vendimmarrëse, ata dhe ato që paguhen nga taksat tona dhe vendosin se si ta shpenzojnë Buxhetin e Kosovës. 

Nuk po paragjykoj, por i sfidoj le ta bëjnë fillimisht: 

Presidenca, Qeveria, Kuvendi.  

Është testim i lehtë praktik, nuk kushton shumë për rrogat i kanë, për 5 minuta secili dhe secila do ta merrte rezultatin. 

Testi imunologjik prej më të zakonshmëve zbulon nëse personi (në rastin tonë: vendimmarrësi apo vendimmarrësja) ka përdorur kanabis, opiate, kokainë, amfetaminë dhe methamphetamine (MDMA).