Një grabitje ka ndodhur sot në qendër të Prishtinës, më saktësisht në rrugën Vushtrria të lagjes Tophane në kryeqytet.
Në këtë rast, është grabitur këmbimorja “Ex-Coins”, ku dëmi i shkaktuar po dyshohet të jetë 40-50 mijë euro.
Sipas raportimeve të mediave vendore, dy grabitësit e dyshuar kishin ardhur tek lokali me një motor, të veshur në rroba me ngjyrë të mbyllët, në kokë kishin helmeta dhe se ishin të armatosur me armë të gjata.
Punonjësit e lokalit dyshohet se janë detyruar të futen në banjo pas kërcënimit nga grabitësit.
Policia nuk ka arritur ende të kap të dyshuarit. /PortaliMërgata/
