Ende pa kaluar shumë ditë nga tragjedia që tronditi opinionin kosovar brenda e jashtë Kosovës, ku pas gjuajtjes me armë të dy grupeve kriminale në një lokal në Prishtinë, një person mbeti i vrarë dhe disa të tjerë u plagosën, një tjetër rast ka goditur opinionin.
Sot në një lokal në Klinë, një person është vrarë.
Sipas Policisë së Kosovës, rreth orës 16:40 kanë marrë një njoftim se në rrugën “Leonard Palucaj” në Klinë ka pasur të shtëna me armë zjarri.
Policia ka dalë në vendin e ngjarjes, ndërsa si pasojë e plagëve të marra, viktima ka ndërruar jetë.
I dyshuari është arratisur nga vendi i ngjarjes ndërsa policia është në kërkim të tij. /PortaliMërgata/
