Parlamentarët zviceranë nuk e kanë kursyer fare presidenten e Komisionit të Bashkimit Evropian, Ursula von der Leyen.
Përmes një letre drejtuar asaj, parlamentarët janë shprehur shumë të shqetësuar për veprimet e Bashkimit Evropian lidhur me situatën e tensionuar mes Serbisë dhe Kosovës, shkruan Blick.ch, transmeton Portali Mërgata.
Ata kanë shprehur shqetësimin e tyre duke deklaruar se politika e BE-së ndaj Republikës së Kosovës duket arbitrare dhe e vështirë për t’u kuptuar.
Letra që i është dërguar Ursula von der Leyen është nënshkruar nga 13 këshilltarë kombëtarë të shteteve, kryesisht nga PS, por edhe nga parti të tjera.
Letrën e ka publikuar në Tëitter njëri nga nënshkruesit, Cedric Wermuth.
BE shpalli masa ndëshkuese
Letra e drejtuar ndaj Ursula von der Leyen është një reagim i parlamentarëve zviceranë për zhvillimet e fundit në situatën e krijuar në veri të Republikës së Kosovës, e cila është e banuar kryesisht nga komuniteti serb.
Bashkimi Evropian njoftoi së fundmi se do të marrë masa të përkohshme ndëshkuese kundër Kosovës nëse kryeministri Albin Kurti, nuk vepron dhe nuk ndërmerr hapa për të de-përshkallëzuar situatën. Ndër të tjera, takimet e nivelit të lartë ndërmjet BE-së dhe Kosovës janë anuluar dhe ndihmat financiare janë paralajmëruar se do të ndalen së shpejti.
Zviceranët kanë kritikuar ashpër këto masa që sipas tyre janë të njëanshme pasi që vlejnë vetëm për Kosovën dhe jo për palën tjetër, Serbinë.
“Ju bini në kurriz të të gjitha gjërave që qeveria në fjalë (e Kosovës) është ndoshta me vendosmëri në anën e ukrainasve dhe demokracisë evropiane. Kjo ishte zhgënjyese”, thuhet ndër të tjerash në letër.
“Sinjal shaktërrues”
Bashkë-nënshkruesi, Fabian Molina, Këshilltari Kombëtar i PS-së së Cyrihut, ka folur për një “sinjal shkatërrues” që BE-ja po dërgon me masat ndëshkuese.
“Ju jepni përshtypjen se i takon Kosovës që procesi i normalizimit të mos përparojë. Por, kjo thjesht nuk është e vërtetë”, ka deklaruar ai.
Sipas tij, problemi thelbësor është Serbia dhe presidenti i saj, Aleksandër Vuçiq. Molina ka akuzuar BE-në për “paqe me Beogradin”.
BE-ja duhet të jetë për librat
Javët e fundit janë dëgjuar edhe zëra nga Parlamenti i BE-së që kritikojnë ashpër qëndrimin dhe veprimet e Komisionit të BE-së ndaj Kosovës.
Eurodeputeti austriak gjithashtu, Lukas Mandl, nga konservatorët ka kritikuar gjithashtu së fundmi qasjen e von der Leyen dhe diplomatëve të saj ndaj Kosovës.
Ai ka thënë se Kosova ka bërë gabime por që vendi në thelb është në rrugën e duhur demokratike.
Politikanët zviceranë po i bëjnë thirrje presidentes së Komisionit, von der Leyen, që të rishqyrtojë qëndrimin e BE-së ndaj Kosovës.
Sipas tyre, kosovarët meritojnë që Evropa t’ua hapë derën dhe të mos i lërë poshtë. /PortaliMërgata/
