Një gjuajtje me armë zjarri ka ndodhur mbrëmë në Prishtinë, si pasojë e së cilës shtatë persona përfunduan të plagosur. Përveç viktimave nga arma e zjarrit, të lënduar mbetën edhe shtatë persona të tjerë, të cilët morën plagë nga xhamat e thyer dhe gjësendet tjera.
Rasti ndodhi në kafeterinë “Bon Vivant” në Prishtinë, gjersa motivet e rastit nuk dihen, shkruan Portali Mërgata.
Portali Mërgata ua sjell ngjarjen e plotë me të gjitha detajet:
Një e premte si të gjitha të tjerat parashihej në Prishtinë. Shumë zhurmë, shumë muzikë, shumë njerëz në lokale e shumë alkool. Në kafeterinë “Bon Vivant”, lokal i njohur në kryeqytetin kosovar, diku pas orës 23:00, kërcitën armët.
Të plagosur mbetën shtatë persona, në mesin e të cilëve edhe disa femra.
Siç mëson Portali Mërgata pranë institucioneve të sigurisë të plagosurit janë: Granit Hamiti (1990), Andi Pajaziti (1996), Kastriot Ramadani(1984), Andi Pajaziti (1996), Kastriot Ramadani(1984), Andi Pajaziti (1996), Kastriot Ramadani(1984).
Njëri nga personat e plagosur është emër i njohur për organet e drejtësisë. Bëhet fjalë për Andi Pajazitin, që në publik njihet me emrin e tij kriminal “Andi Italiani”. I njëjti ka qenë i përfshirë në disa vepra të tjera penale të llojit të njëjtë, gjersa një plagosje e kishte kryer edhe në një diskotekë në Prishtinë, bashkë me banditin e shumënjohur “Llepota”.
Ende nuk dihet nëse Andi ishte cak i sulmit apo nisës i tij, por që deri tash nga ajo që është thënë, bëhet me dije se dy persona janë në gjendje të rëndë nga plagët e marra nga plumbat.
Çka tha policia?
Rreth orës 23:30, është raportuar për të shtëna me armë zjarri në një lokal në rrugën “Rexhep Luci” në Prishtinë.
Policia menjëherë ka dalë në vendin e ngjarjes dhe nga informacionet e para dyshohet se disa persona kanë marrë plagë nga arma e zjarrit apo edhe nga fragmente qelqi.
Ndërkohë që të lënduarit janë dërguar për trajtimin e nevojshëm mjekësor, policia po vijon punën me veprime të ekzaminimit të vendngjarjes si dhe me veprime të tjera operativo-hetimore .
Aktualisht së paku dy të dyshuar janë identifikuar si të implikuar në rast, përderisa po punohet edhe për identifikimin e të dyshuarve të tjerë të mundshëm. /PortaliMërgata/
